شاب روسي ضبط اخته في الشارع مع رجلين | شوف كيف عاقبها امام الناس ������

عندما يخونك جسمك متلازمة بهجت

مرض بهجت أو متلازمة بهجت Maladie d’Adamantiadès-Behçet المشهور ب B7 مرض اكتاشفو الدكتور التركي خلوصي بهجت في جامعة اسطنبول عام 1937 . 
بهجت هو واحد من امراض المناعة الذاتية كيفاش ؟
الجهاز المناعي لجسم الانسان كايولي كايهاجم الانجسة و الخلايا السليمة ديال الجسم بالغلط من خلال انتاج مجموعة من المضادات و كاتكون على شكل بروتينات و هاد الاضطراب لحد الان العيلم ماوصلش للسبب الرئيسي ديالو و لكن المتعارف هو انه اما يكون وراثي او خلل فالكروموزوم 7( الجينات المسؤولة عن GIMAP1، GIMAP2 و GIMAP4) . لكن ماعندوش علاقة بالسرطان و احتمال الموت 4% غير هو كايبقى à vie
شنو هي اعراض b7 ؟
اعراض هاد المرض كاتبدا فالعشرينيات و الثلاثينيات من عمر المريض غالبا . هاد المرض فيه جوج ديال الحالات لي كايتعاقبو باستمرار حالة 1 حادة و كاتبان فيها الاعراض و الحالة 2 كامنة و ماكايبانوش الاعراض لي كاتختلف الحدة ديالها حسب الشخص الا انها واضحة و باينة لكثرة الظهور ديالها . أول حاجة لي كايعاني منها المصاب و بصفة دائمة حتى فوقت العلاج هي التقرحات الجلدية و المخاطية و اشهرها تقرحات الفم les aphtes و كايكونو عاوتاني تقرحات تناسلية تصيب 75% تقريبا من المصابين بالاضافة للمشاكل لي كاتولي فالجلد تقدر تبان فشكل حب الشباب او حبوب حمرين فالرجلين .
مرض بهجت كيضرب بزاف ديال الاعضاء فالجسم لي هي :
- الجهاز الهضمي : و كايخلي المصاب يعاني من الاسهال بصفة شبه دائمة و كايتسبب فالتهابات على مستوى الامعاء و الام فالبطن و خاطرو كاتشيان .
- الرئتين : هنا المصاب كايعاني من التهاب الجنبة La pleurésie و الجنبة هي داك الغشاء لي داير بالرئة والى اشتد الحال يقدر الشخص يتعرض للوفاة بسبب انهيار حاد فالأوعية الدموية لي كايظهر على شكل نزيف بسبب تمدد و لا تقلص هاد الاوعية في الشريان الرئوي و احيانا يقدر يوقع تجلط هاد الشريان. بالاضافة للسخانة و السعال و هاد جوج الى تصاب بيهم المريض فراه ماغاينوض على سيمانة و خا المتعارف عليه هو الشخص لي مناعتو ضعيفة هو لي كايتأثر بالرواح و السخانة لكن صديقي حتى مول بهجت كايطيحوه هاد الجوج بلكاو حيتاش الشيء ان زاد عن حده انقلب الى ضده .
- الجهاز العصبي : التهاب السحايا المزمن Méningite( السحايا : السحايا هي الأغشية لي كتغطي الدماغ والنخاع الشوكي) و يقدر يؤدي هاد التهاب السحايا لتجلط الاوعية الدموية و متلازمة المخ العضوية لي كتظهر فشكل نوبات و ايضا فقدان الذاكرة . و فالحالات المزمنة يقدر يوقع ضمور فجذع المخ . هاد الاعراض ديال الجهاز العصبي كاتبان فبداية المرض لكنها تقدر ماتوصلناش لأصل المشكل لي هو b7
- الجهاز البصري : و هو الاصعب فيهم حيتاش فبدايات المرض الاعراض كاتكون على شكل التهابات فالعين Une uvéite غانفصل فكل واحد
• التهاب العنبية الأمامي : الألم / الاحمرار / كتقيح العين l'hypopion / الشوف كاينقص
• التهاب العنبية الخلفي : ماكايكونش الألم و لكن الشوف تاينقص بزاف
• التهاب الأوعية الشبكية S3 : بحال الالتهاب السابق غير تايوقع واحد الخلل بصري
و يقدر يتصاب المريض بالعمى لكن بنسبة 20% و السبب هو الخلل البصري . و من بين الاعراض ديال هاد الاعتلال البصري لي غالبا كاينتهي بالعمى كاين :
- الالم
- فقدان البصر فعين وحدة و غالبا كاينتقل المشكل للعين الاخرى واخا يقدر يستغرق الامر سنوات
- ينقص الشوف
- تنقص القدرة على تمييز الالوان
- الى الضو ضرب فالعين البؤبؤ كايصغار
- السوائل كاتجمع فشبكية العين
هاد الاعراض ديال الجهاز البصري الى تلاقات مع التقرحات المخاطية الجلدية فراه هنا المصاب غايولي كيعاني من ارتفاع ضغط الدم فالعين بحال الناس لي كانسمعو عندهم لا تونسيون ديال العينين لي كيتسبب ف مرضينGlaucome و Cataract
بهجت كايضرب القلب بحيث يقدر يوقع التهاب لغشاء التامورla Péricardite أو احتشاء في عضلة القلب و ايضا الكلاوي واشد الحالات كاتولي تعاني من الفشل الكلوي بالاضافة لأن المصاب ببهجت كايولي يحس بالارهاق الشديد و خا مايكونش دار مجهود كبير لكن يقدر يدير مجهود بدني بدون مشكل ولكن غايحتاج من بعدو قسط كبير من الراحة و غالبا النعاس ماكايكونش عندو منظم و ماشي بحال الشخص العادي فراه ماكاتكفيهش 8 الساعات و الى جهد راسو كاتبان عليه ..و كايوقع التهاب الاوردة الدموية تحت الجلد و حدوث جلطات فالاوردة .
نفسية المريض ببهجت متقلبة تقدر تقول انه مزاجي لكنه واحد بنادم لي صعيب تعامل معاه عصبي بزاف و شديد التوتر و القلق و يقدر يوضل للاكتئاب
الاصابة ب b7 :
أغلب المصابين رجال و قليل فاش تكون امرأة مصابة و أغلب الحالات كاينين فالشرق الاوسط و اسيا ودول حوض البحر المتوسط (تركيا وتونس والمغرب ) وكاينة 20000 حالة في أميركا، و 100000 فبريطانيا و اعلى نسبة لانتشار المرض كاينة فإيران 68/100000حسب احصائيات 2007 بحيث 56% من المرضى كايعانو من مشاكل العين و % 23.7مصابون بتغلف الأوعية الدموية
العلاج :
دابا ماكينش علاج كاين ادوية كاتعاون باش تحد انتشار الالتهابات و تحكم فالجهاز المناعي و تحاول تقاد الاستجابة ديالو . فالحالات الشديدة كاياخود المريض جرعة كبيرة من الكورتيكوستيرويد والا غايتعرض المصاب للعمى او الموت
الى وقع التهاب القزحية فالمصاب كاياخود شي مضاد عامل نخر الورم ( anti-TNF ) ، فحالة التهاب المفاصل و الالتهابات التناسلية كايتخاد كولشسين... أهم حاجة بالنسبة لبهجت هو الكشف المبكر باش تكون امكانية للتحكم فانتشاره وهاد الكشف المبكر صعيب شوية يقدر يكون الشخص مصاب بيه لسنوات و متبع عند طبيب و مايعرفوش باش مريض حيت خاص على الاقل يظهرو جوج ديال الاعراض من لي ذكرنا قبل باش يمكن التشخيص لهذا المصاب ببهجت خاصو يتبع مع شي طبيب فتخصص الطب الباطني و طبيب العيون بشكل مستمر باش يكون متبع تطور المرض.. و ماكاينش حل وقائي للمرض للاسف والله ينجينا و ينجيكم

ب.س : الناس ديال الطب فيدونا كتر

علاش واليدينا ولدونا ؟

 

 

 1- الحوا حلال :

 الأغلبية فينا و لي منهوم كاتب هاذ المقال، خرجو للحياة كنتيجة لجوج أخطاء :
الخطأ الأول رتاكباتو الواليدة ملي نسات ما شرباتش حُبوب منع الحمل.
الخطأ الثاني ملي الواليد نسا ما لبسش العازل الطبي و نسى ما خرجش الموطور ديالو قبل ما يجيبو.

سبب اعتقال(دوستويفسكي) والنفي الى سيبيريا

تعرف فيدور دوستويفسكي عن قرب بالناقد الروسي البارز فيساريون بلنسكي الذي كان يتزعم كوكبة من الأدباء الشبان من انصار ما يسمى بـ "المدرسة الطبيعية" وهي التسمية التي اصطلح آنذاك على إطلاقها على ادباء الاتجاه الواقعي. ثم توالت بعد رواية "المساكين" اعمال الكاتب الأخرى "المثل"(أو الشبه) و" ربة المنزل"و"الليالي البيضاء" التي كشفت عن جوانب جديدة من موهبته لكنها لم تجلب له اهتمام الناس. ثم تعرف دوستويفسكي بالمثقف الروسي ميخائيل بيتراشيفسكي الذي تجمع حوله اولئك الذين اسرتهم أفكار الفيلوسوف الفرنسي شارل فورييه الاشتراكية ودعواته إلى تغيير المجتمع. وانضم فيودور دوستويفسكي إلى حلقة "زملاء بيتراشيفسكي" الذين اسسوا جماعة شبه سرية. وتمكنت الشرطة من تتبع الجماعة حتى القت القبض على اعضائها في ربيع عام 1849. وحكم على دوستويفسكي بالإعدام، لكنه في آخر لحظة وقبل تنفيذ حكم الإعدام بحقه صدر مرسوم قيصري يقضى باستبدال الإعدام باربعة اعوام من الاعمال الشاقة في مقاطعة اومسك بسيبيريا. وعايش دوستويفسكي عمليا وهو واقف على منصة الإعدام ويتدلى فوق رأسه حبل المشنقة، عايش طقوس تنفيذ حكم الإعدام التي ضلت تلازمه طوال حياته، وقد وصف هذا المشهد الرهيب في روايته "الابله".
 وقد وصف حياته وهو يقضي حكم الاعمال الشاقة في كتابه "ذكريات من منزل الأموات".

قوليا تعريف محدد للـ Species نثبت ليك حدوث التطور :)

 تخايل معايا غادي في الصحراء لقيت مزرعة، دخلت المزرعة لقيت حمار وحصان انجليزي وحصان عربي اصيل .. فبدل مناخد واحد فيهم ونهرب، انا اسيدي قررت تقمص دور العالم وحاولت نزوجهم مع بعضياتهم مهم ديني على قد عقلي وتفكيري ..
 جبت الحصان والحمار، ، يله اسيادي وريونا السيكس ياك نتوما كتشابهو، اسيدي نكحو بعضهم بادن هبل وجابولي بغل او Mule عقيم طبعا، كيفاش امولاي ؟ غيجاوبو ويقولو ليك راه حنى كل واحد فينا Species لوحده، كنشبهو لبعضياتنا ولكن اتجاهتنا الجنسية لبعض غتكون ضعيفة، ولو نتجنا غنعطيوك كائن عقيم، وكل واحد فينا كيتطور مع كرو يعني مع نفسه ..
 جبت الحصانين مع بعضياتهم ، يله اولاد ناس سيكس سيكس، راكم فحال بعضياتكم، بعض النكاح يجيبو ليك اسيدي شي عودة زعمة حصانة مليحة خخهه ، والحصنة ملي تكبر تتجاوز مع بعضها ويعطوك حصنه وهكذا هه هانتا كحلتيها ودخل الفلوس ومتبقاش تصول على نظرية التطور واش صحيحة ههه نكمل .. شنو وقع هنا احبابي هو انه الاتنين نفس الـ Species، تقارب الـ DNA بيناتهم كبير جدا قريب يوصل للتشابه، فعادي يعني تتزاوج مع بعضها .. هدا هو تفسير او تعريف مصطلح الـ Species
مصطلح الـ Speciess ليه تعريفات بزااف واختلافات كتيرة بين العلماء، ولكن اهم تعريفين ليه، تعريف كيتناول الموضوع من الناحية الجنسية reproductive وهو ان معنى كلمة Species ان مجموعة من الكائنات الحية تقدر تتزاوج مع بعضها، ومتقدرش تتزاوج مع اي Species تانية، فحال الانسان يقدر يتزاوج مع بعضه، ولكن ميقدرش يتزاوج مع الشامبانزي لان كل واحد فيهم Species لوحده .. التعريف التاني كيتكلم عن الناحية المظهرية phenotype ، وان الـ Species هي مجموعة من الكائنات الحية المُتشابهة مظهريًا مع بعض بدرجة أكبر من تشابهها مع غيرها، ولكن التعريف التاني ماشي بنفس قوة التعريف الأول، لانه لو نتا حاولتي تصنف الـ Species مظهريًا ممكن تدخل في بعض المشاكل التقديرية للمظهر نفسه، لكن عملية التزاوج غتكون واضحة وحاسمة بشكل أكبر، أكيد في بعض الأنواع تقدر تصنفها مظهريا على طول فحال نتيا لي هو الانسان والشامبانزي مثلا، ولكن بزاف الحالات محتاجة انك تمشي لعملية التزاوج باش تفهمها.

اغاتا كريستي

بغيت ندوي على واحد الانسانة للي بدلات ليا النضرة ديالي للحياة واحد الانسانة لي مكرهتش تكون عندي هاديك الآلة لي كان كيرجع بيها ايثن هاوك ف پريديستينييشن للوراء غير باش نهضر معاها وخا غي نصف ساعة، ولي هيا اغاتا كريستي.

كاتبة نجليزية من اب امريكي تزادت 15 سپتمبر ف 18900، من احسن الكتاب للي عرفاتهم البشرية و اكتر انسان تمت الترجمة ديالهم لجميع للغات و صاحبة اكبر عدد ديال الكتب الاكثر مبيعا فالتاريخ ايييه اسيدي، كتبات 66 رواية و 154 نوڤل، و 20 پياسا مسرحية، و الغريب فهادشي هوا انها متخرجاتش من شي جامعة ولا تلقات شي تعليم مكينش، ولكن قرات فدارهم و قراتها ماماها حتى كبرات شويا و كانو مشاو لفرنسا عاد كانت هتمات بيها واحد السيدة فرنسية للي قراتها اللغة من صغرها كانت كتغني و كتعزف على الپيانو و عزاز عليها الحيوانات و كانت حشومية ماشي مقزدرة بحال فاتي، من الروايات للي اثرو فيها شيرلوك هولمز ( غادي ندير ليكم مقال على لكاتب ديالهم )، السيد لقبوها ب ملكة الجريمة و انا كنسميها رب الجريمة، وخا كتكتب قصص غي على الجريمة كانت ضرفية بزاف وكتحب السلام و ديما فالنهاية ديال القصة كيلقاو القاتل، ولكن نتا فاش غادي تبدا تقرا معمرك غادي تعرفو حتى للخر غادي تصدم و تبقا شاد فراسك فاش غادي تكمل الرواية، ونزيدكم هي الوحيدة للي كانت كل سنة كتصدر كتاب حتى لجوج دلكتوبة طوال حياتها حتى ماتت، فالقصص ديال كدخل يا اما هيركول پواغو لي هوا واحد المحقق خارق الذكاء و البديهة او ميس مارپل لي هي واحد لمرا كبيرة و لي عندها تجربة فالحياة و حتى هيا ذكية بزاف، نهار بديت نقرا ليها مقدرتش نحبس لحد الان قريت ليها 57 رواية ( غي لحقاش ملقيتش كلشي )، واحد لليلة معندي مايدار جبدت واحد الرواية ديالها سميتها endless night و فعلا هاديك لليلة كانت غير منتهية بقيت كنقرا من لعشرة دليل حتى لتمنية دصباح فاش ساليتها نضرا للتشويك لكبير لي فيها و للي رشحها ليا هوا واحد السيد كبير عندو مكتبة تاع الكتب المستعملة من بعد ما ضرت على المكتبات درباط كاملين وملقيت والو من غير ابراهيم الفقي كيف تصبح مكبوتا، لمهم من هادشي كنصح اي واحد يجربها وعلى حسابي مغاديش تندمو و غاتستافدو بزاف و غادي نرشح ليكم خمسة دالروايات تقراوهم...

endless night 

and then there were none

murder on the orient express 

crooked house

 death on the nile

و اقود كوت عندها هي: 

an archaeologist is the best husband a woman can have, the older she gets the more interested he is in her

تأملوها مزيان