طفلة صغيرة .. ممنوعة من الخروج للحومة حيت غاتعلم ترابي الزنقة ... كتكبر شوية كتبدا تحس براسها وكتجيها المراهقة فالاعدادي .. كتصادف القمع دأبوها .. فين مشيتي فين جيتي ..؟؟ ممنوع تهضري مع دراري غي وسط القسم .. (لا غي دخل معاها للقسم
-_- ) .. وخاص تكون صاحبتك وحدة عندك .. وهي تجي عندك للدار نتي ممنوع تمشي عندها (زعما لوخرا والديها معندهاش) .. كاتزيد شوية كاتوصل لليسي ... كايكون خوها تا هو بدا يشم ريحت بيطانو .. وكيبقا عاصر فباب ليسي مع صاحبتو .. وايني غي يشوف ختو مع شي حد .. يقولها تانتفاهمو فالدار ... ويزرقلها عينيها .. كاتولي لا بغات تلاقا شي صديق فشي قهوة خصها تمشي لشي قهوة غابرة مكيدورش جيهتها خوها .. وجالسة مخلوعة حاضيا جنابها .. وخاصها وتخترع شي سيناريو مقود باش تدير السبة دالخروج بلا ميعيقو بيها .. كاتزيد شوية كاتبدا تقرا لاحلام مستغانمي و نوال السعداوي .. كيثيرها داكشي ... كاتطلعلها هاد الحياة لي عايشة فكرها .. كاتبغي ثور عليهم فالدار وايني ماقاداش .. حيث معندها فين تمشي .. كايبقا حداها حل وحيد هو أنها تنوض تزوج .. كاتقبل بأول زوج كيجيها .. كاتمشي معاه للدار كاتشوف جحيم آخوور .. كيدورو بيها الحيوط ... كيولي يبانليها تولد اول طفل باش تعمر عليها شوية .. كاتولد اللول التاني التالث الرابع .. كاتعGدهووم ... كاتبقا ربي .. قري .. كبر .. كايخرجو 2 مساخيط .. وبنت مربية و وحدة جنية .. كايخرج عقلها معاهم ... كتكبر شيءا فشيءا .. مكتبقا تسمع لا كلمات الحب ولا الغرام كما وعدها الحبيب أول مرة .. كاتدير هاه هاه كاتلقا راسها في عمر الستين .. تشعر بأن اللعبة قد انتهت و أن هذا المسرح أصبح ملكا لجيل آخر .. كتولي تساين الموت .. ولادها كيولدو الولاد .. ثم ينادونها بجدتي أحبك .. جدتي مريضة .. ماتت جدتي ..ثم تنسى وكأنها لم تكن ... هذه هي دورة حياة الفتاة المغربية .. وتسولها اش دارت في حياتها .. ماغاتلقا والو .. لا شيء يذكر ... على مايجيو بناتها و حفايداتها ياخدوا نفس المسار ديالها .. وقليييييل قلييييل البنات اللاتي ينجون بأعجوبة من حياة كهاته ..
ايسولني شي واحد اترضى غير ذلك لأختك .. نعم لا أرضى هذا الخراء لأختي أو لابنتي ..
ولا زلت أقولها و أكررها ..
أوتدري يا ولدي ما هو أسوء من أن تولد في المغرب ..؟؟ هو أن تولد في المغرب وتكون فتاة .. !!
لا يوجد تعليقات
أضف تعليق